Amudaryo tumani hokimligining kichik majlislar zalida “O‘zbekiston Respublikasining ayrim qonun hujjatlariga saylov va referendum o‘tkazish tartibini yanada takomillashtirishga qaratilgan o‘zgartirish va qo‘shimchalar kiritish to‘g‘risida”gi O‘zbekiston Respublikasi Qonuni mazmun mohiyatini Xalq deputatlari Amudaryo tuman Kengashi kotibiyati hamda partiya Kengashi xodimlariga tushuntirish maqsadida seminar bo`lib o`tdi. 

Seminarda Xalq deputatlari Amudaryo tuman Kengashi deputatlari, Kengash kotibiyati xodimlari, siyosiy partiyalar tuman Kengashlari raxbarlari hamda ommaviy axborot vakillari ishtirok etdilar.

Seminarda Xalq deputatlari Amudaryo tuman Kengashi kotibiyati mudiri va tuman Adliya bo`limi xodimi O`zbekiston Respublikasida saylov va referendum o`tkazish tartibi, saylovlarga tayyorgarlik ko`rish, qarorlar qabul qilish, ushbu qonunga kiritilgan o`zgartirishlar hamda ularning ahamiyati to`g`risida keng tushuncha berdilar.