Сессия ишида туман ҳокими, секторлар раҳбарлари, туман Кенгаши депутатлари, туман ҳокимининг тегишли ўринбосарлари, кун тартибига киритилган масалаларга алоқадор корхона ва ташкилотлар раҳбарлари иштирок этдилар.

Сессияни туман ҳокими, халқ депутатлари туман Кенгаши раиси Жаҳонгир Жуманов олиб борди.

Дастлаб туман ҳокими, шундан сўнг секторлар раҳбарлари Фурқат туманининг 2024 йилда ижтимоий-иқтисодий ривожлантириш, тадбиркорлик ва аҳоли фаровонлигини оширишнинг қўшимча чора-тадбирлари дастури ҳусусида маълумот берди.

Шундан сўнг, “Ташаббусли бюджет” жараёнларини ўтказиш ҳамда молиялаштириш тартиби тўғрисидаги янгиланган низом ҳамда низом асосида ишчи комиссиянинг янгиланган таркибини тасдиқлаш, “Аёллар дафтари”нинг навбатдаги босқичини янгидан шакллантириш ва мувофиқлаштириш бўйича амалга оширилган ишлар, қишлоқ хўжалигига мўлжалланган ер майдонларидан самарали фойдаланиш мақсадида келгусида захирага олинадиган ер майдонларида деҳқон хўжалиги ташкил этиш учун очиқ электрон танловга чиқариш бўйича лойиҳаларни кўриб чиқиш масалалари кўтарилди.

Ҳар бир кўрилган масала юзасидан савол-жавоблар ўтказилиб, билдирилган фикр-мулоҳазалар ва таклифлар асосида халқ депутатлари туман кенгашининг тегишли қарорлари қабул қилинди.

Slide 1 of 7