Бүгин 2024-жыл 13-февраль күни Хожели районы МСИниң мәжилислер залында Өзбекстан Республикасы Стратегиялық анализ ҳәм келешекти белгилеў жоқары мектебиниң бөлим баслығы Б.Хужанов, Қарақалпақ мәмлекетлик университетиниң миллий идея, руўхыйлық тийкарлары ҳәм ҳуқық тәлими кафедрасы баслығы А.Байрыева, Ққ.Р. Жоқарғы Кеӊеси комитети баслығы Ш.Өтемисов, Жоқарғы Кеӊеси депутаты Т.Рузметова, район ҳәкими Ж.Ермашев, сектор басшылары қатнасыўында район аймағындағы нураныйлар, жаслар ҳәм активлер менен ушырасып, ашық сәўбет өткерди. Сөзге шыққанлар Президентимиздиң итибары менен халқымыздың абадан турмысын тәмийинлеўде әмелге асырылып атырған көлемли жумыслар ҳаққында тоқталып, бул реформалар ҳәр бир аймақта өз нәтийжелерин көрсетип атырғанлығын атап өтти. Соның менен бир қатарда келешегимиз болған жасларымызды ҳәр тәреплеме қоллап-қуўатлап, олардың санасын түрли жат иллетлерден қорғап, саламат турмыс тәризин үгит-нәсиятлаў бойынша бир неше усыныс ҳәм пикирлер менен бөлисти.