Shu munosabat bilan 2024-yil 10-fevral kuni navbatdagi haftaning shanba kunida yoshlar o'rtasida kitobxonlik madaniyatini rivojlantirish maqsadida shahrimiz yoshlari uchun kitobxonlik tadbiri tashkil etildi.

Sirdaryo viloyati Yangiyer shahar hokimligi tashabbusi va shahar axborot-kutubxona markazi bilan hamkorlikda davlat va jamoat arbobi, buyuk shoir Alisher Navoiy tavalludining 583-yilligi munosabati bilan "Alisher Navoiy asarlari - milliy qadriyatlarimiz timsoli" mavzusida shahrimizdagi 8, 10, 11-umumiy o'rta ta'lim maktab o'quvchilari, shoir, jurnalist, shahar kengashi deputati Tohir Nurimovich Samiyev va shahar axborot-kutubxona markazi xodimlari bilan birgalikda davra suhbati bo'lib o'tdi.

Tadbirda Tohir Nurimovich Samiyev "Alisher Navoiy asarlari - milliy qadriyatlarimiz timsoli" mavzusida ma'ruza qilib, tadbir ishtirokchilariga o'z ijodiga mansub sherlaridan o'qib eshittirdi. Davra suhbati ishtirokchilari buyuk shoir Mir Alisher Navoiy qalamiga mansub g'azal va ruboiylardan, adib hayoti va ijodi haqida so'zlab berishar ekan kelajagimiz yoshlari adabiyotga hususan Mir Alisher Navoiy ijodiga alohida qiziqishlari yaqqol sezilib turdi.

Davlat va jamoat arbobi, buyuk shoir Alisher Navoiy tavalludining 583-yilligi munosabati bilan "Alisher Navoiy asarlari - milliy qadriyatlarimiz timsoli" mavzusida tashkil etilgan davra suhbati yakunida barcha ishtirokchilar shahar hokimligining tashakkurnomalari bilan taqdirlandi.