Халқ депутатлари Бухоро вилояти Кенгаши ҳузуридаги Ижтимоий шериклик комиссиясининг навбатдаги йиғилиши бўлиб ўтди.

Йиғилишни Олий Мажлис сенати аъзоси, комиссия раиси Абира Хусейнова бошқариб борди. 

Йиғилишда Ижтимоий шериклик комиссиясининг 2023 йил фаолияти якуни, Халқ депутатлари вилоят Кенгаши ҳузуридаги Жамоат фондининг 2023 йил фаолияти якуни, Жамоат фондининг 2023 йил давомидаги молиявий-хўжалик фаолияти бўйича тафтиш комиссияси ҳисоботи, Жамоат фондининг 2024 йилги даромад ва харажатлар сметаси ва бошқа масалалар муҳокама этилди. 

Таъкидланишича, сўнгги йилларда нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш, давлат органлари ва улар ўртасида ижтимоий шерикликни кучайтириш, таъсирчан жамоатчилик назоратини амалга ошириш, шунингдек, ушбу соҳани тартибга солувчи ҳуқуқий базани такомиллаштириш борасида изчил ишлар олиб борилди.