Davlatimiz rahbari tomonidan ilgari surilgan “Davlat – inson uchun” gʻoyasini hayotga tatbiq etish maqsadida yurtimizda bir qator tadbirlar amalga oshirib kelinmoqda.

Xususan, Namangan muhandislik-texnologiya instituti rektori, Xalq deputatlari Namangan viloyat Kengashi deputati Odiljon Mamatkarimov Uychi tumani Beruniy MFYda boʻlib, ijtimoiy himoyaga muhtoj yurtdoshlarimizning holidan xabar oldi. 

Uchrashuv davomida xonadon egalari bilan samimiy suhbat qurilib, ularga  zaruriy oziq-ovqat mahsulotlari hamda oshxona jihozlari topshirildi.

Xonadon egalari koʻrsatilgan gʻamxoʻrlikdan mamnun boʻlishdi va duoga qoʻl ochib, yurtimizga tinchlik, xalqimizga farovonlik soʻrab tilak bildirdilar.