Xalq deputatlari Oltinsoy tuman Kengashining 12-“Bo‘ston” saylov okrugidan saylangan deputat, Kengash kotibiyati mudiri Xujanov Musurmon Abduraxmonovich hamda Kengash kotibiyatining bosh mutaxassislari A.Esanov va I.Roziqov ishtirokida Oltinsoy tumani “Bo‘ston” mahallasida barpo etilayotgan 990 o‘rinli zamonaviy maktab binosi qurilishi jarayoni joyiga chiqqan holda o‘rganildi.

O‘rganish davomida deputat va mutaxassislar qurilish shtabida obyektning tasdiqlangan loyiha-smeta hujjatlari, bosh rejasi hamda qurilish pasporti bilan atroflicha tanishdilar. Mahsulot va ishlar sifatini ta’minlash, qurilish sur’atlarini belgilangan grafik asosida olib borish hamda mas’ul pudrat va loyiha tashkilotlari vakillari bilan muloqot qilindi.

Shuningdek, qurilish maydonida texnika xavfsizligi qoidalariga rioya etilishi, qurilish materiallarining sifati, ishchilar uchun yaratilgan sharoitlar hamda og‘ir texnikalar va kran uskunalarining uzluksiz ishlashi ko‘zdan kechirildi.

Mazkur muassasa foydalanishga topshirilgach, mahalla yoshlarining zamonaviy sharoitlarda va sifatli ta’lim-tarbiya olishiga xizmat qilishi ta’kidlanib, obyektni o‘z vaqtida va sifatli yakunlash bo‘yicha mas’ullarga tegishli tavsiyalar berildi hamda jarayon deputatlik nazoratiga olindi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz