Qo‘ng‘irot MFYda elektr ta’minoti yaxshilanmoqda

Xalq deputatlari Termiz tuman Kengashi kotibiyati mudiri A.Avliyakulov tomonidan 10-Yangiyo‘l saylov okrugi deputati R.Shamanov saylangan Qo‘ng‘irot MFY hududidagi elektr transformatorining holati mutaxassis T.Murodov tomonidan o‘rganildi.

O‘rganish davomida elektr ta’minotida yuzaga kelishi mumkin bo‘lgan muammolarning oldini olish maqsadida transformatorning yaroqsiz holga kelgan qismlari yangilariga almashtirilayotganligi, shuningdek, texnik ta’mirlash va sozlash ishlari olib borilayotganligi ko‘zdan kechirildi.

Mazkur ishlar mahalla aholisini barqaror va sifatli elektr energiyasi bilan ta’minlash, elektr ta’minotidagi uzilishlarning oldini olish hamda mavjud muammolarni o‘z vaqtida bartaraf etishga qaratilgan.

Ta’mirlash ishlari jarayoni deputatlik nazoratiga olinib, ishlarning sifatli va belgilangan muddatlarda yakunlanishi yuzasidan mas’ullarga tegishli tavsiyalar berildi.