#162_ta_qonun
🌿 TABIATNI MUHOFAZA QILISH — BARCHAMIZNING BURCHIMIZ

Atrof-muhitni asrash, tabiiy resurslardan oqilona foydalanish va hududimiz ekologik barqarorligini ta’minlash — barchamizning umumiy vazifamiz.

O‘zbekiston Respublikasining “Tabiatni muhofaza qilish to‘g‘risida”gi Qonuni tabiatni asrash, tabiiy resurslardan oqilona foydalanish hamda fuqarolarning qulay atrof-muhitga ega bo‘lish huquqini ta’minlashning huquqiy asoslarini belgilaydi.

📌 Qonunga ko‘ra:
🌱 yer, suv, yer osti boyliklari, o‘simlik va hayvonot dunyosi hamda atmosfera havosi muhofaza qilinishi lozim;
💧 tabiiy resurslardan foydalanishda ekologik muvozanatni saqlash va tabiatga zarar yetkazmaslik talab etiladi;
🏭 korxona va tashkilotlar atrof-muhitga zararli ta’sirni kamaytirish, chiqindilarni belgilangan tartibda boshqarish va ekologik talablarga rioya qilishlari shart;
🔎 ekologik nazorat orqali tabiatni muhofaza qilish qonunchiligi talablarining bajarilishi nazorat qilinadi;
👥 fuqarolar qulay tabiiy muhitda yashash hamda atrof-muhitning holati to‘g‘risida axborot olish huquqiga ega.

📍 Sherobod tumanida ham ekologik masalalarga e’tibor qaratish, hududlarni obodonlashtirish, tabiiy resurslardan oqilona foydalanish va aholi uchun qulay atrof-muhitni ta’minlash muhim vazifalardan biridir.

Deputat sifatida fuqarolarning murojaatlari, hududdagi ekologik muammolar va ularni qonunchilik doirasida hal etish masalalariga alohida e’tibor qaratiladi.

🤝 Tabiatni asrash — kelajakni asrashdir!
🌳 Atrof-muhitga befarq bo‘lmaylik, tabiatimizni asrab-avaylaylik!

Raxamov Qulto‘ra Normurodovich
Xalq deputatlari Sherobod tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi raisi,
10-Chag‘atoy saylov okrugi deputati

📚 Manba: O‘zbekiston Respublikasining “Tabiatni muhofaza qilish to‘g‘risida”gi Qonuni.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube