🏛 Xalq deputatlari Oltinsoy tuman Kengashi deputati Tavasharov Xamro Ziyayevich tomonidan tuman Maktabgacha va maktab ta’limi bo‘limi boshlig‘iga deputatlik so‘rovi yuborildi.

🏫 So‘rovda tumandagi 22-sonli umumiy o‘rta ta’lim maktabida ta’lim olayotgan 1075 nafar o‘quvchining xavfsizligi va ta’lim sharoitlarini yaxshilashga oid quyidagi muhim masalalar ilgari surildi:

📹 Kuzatuv kameralari: Nosoz kameralarni ta’mirlash yoki yangisiga almashtirish;

🧱 Atrof to‘siqlari: Maktab hududini o‘rab turgan nosoz sim to‘siqlarni qayta tiklash va ishonchli muhofazalash;

⚽️ Sport jihozlari: Jismoniy tarbiya mashg‘ulotlari uchun zarur sport anjomlarini yangilash va yetkazib berish;

🧹 Sanitariya va obodonlashtirish: Maktab hududiga chiqindi qutilarini o‘rnatish hamda chiqindilarni o‘z vaqtida olib chiqib ketilishini yo‘lga qo‘yish.

🤝 Deputat so‘rovida mazkur masalalarni belgilangan tartibda o‘rganib chiqib, amaliy choralar ko‘rish va natijasi bo‘yicha axborot berish so‘ralgan.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz