ПОДШООТА СОЙИ БЎЙИДА ОБОДОНЛАШТИРИШ ИШЛАРИ ДАВОМ ЭТМОҚДА
Янгиқўрғон туманида экотуризм салоҳиятидан самарали фойдаланиш, ҳудудларни ободонлаштириш ҳамда аҳоли учун замонавий ва қулай дам олиш масканларини яратиш бўйича амалий ишлар изчил давом этмоқда.
Бугун туман ҳокими, Халқ депутатлари Янгиқўрғон тумани Кенгаши депутати Нажмиддинов Асадулла Икромович «Зарбдор» маҳалласи ҳудудидан оқиб ўтувчи Подшоота сойининг «Маданият» маҳалласигача бўлган қисмида амалга оширилаётган ободонлаштириш ишлари билан танишди.
Лойиҳа доирасида:
🔹 сойнинг 8,1 километр қисми қирғоқларини тош билан мустаҳкамлаш;
🔹 шу масофада пиёдалар йўлакчасини барпо этиш;
🔹 248 та қуёш панелли ёритиш чироғини ўрнатиш режалаштирилган.
Айни пайтда сой қирғоқларини текислаш, мустаҳкамлаш ва ҳудудни ободонлаштириш ишлари олиб борилмоқда.
Шунингдек, туман ҳокими Қизилёзи маҳалласи ҳудудида Подшоота сойи бўйида замонавий меъморий ечимлар асосида барпо этилаётган сунъий кўл қурилиши жараёнини ҳам кўздан кечирди.
Ўрганиш якунида масъулларга қурилиш ва ободонлаштириш ишларини сифатли ташкил этиш, белгиланган вазифаларни ўз вақтида бажариш, шунингдек, хавфсизлик ҳамда экологик талабларга қатъий риоя қилиш юзасидан тегишли кўрсатмалар берилди.