#Deputatlik_nazorati #24_ta_tavsiyaviy_savol #Deputat_daftari #poytaxtdeputatlari #deputatlik_faoliyati

❗️HAR BIR MUROJAAT E’TIBORDA: KICHIK TADBIRKORLIK VA YOSHLAR BANDLIGI DEPUTAT E’TIBORIDA

🏛 Xalq deputatlari Toshkent shahar Kengashi deputati Otabek Jiyanboyev Mirobod tumanidagi “Yangi Mirobod” mahallasida faoliyat yuritayotgan poyabzal ta’mirlash ustasi bilan suhbatlashib, uning faoliyati, mavjud imkoniyatlari va ish sharoitlarini o‘rgandi.

🤝 Samimiy muloqot davomida kichik tadbirkorning faoliyatida uchrayotgan muammolar hamda takliflari tinglandi. Ko‘tarilgan masalalarni hal etish yuzasidan tegishli ko‘rsatmalar berilib, faoliyatni yanada rivojlantirish imkoniyatlari muhokama qilindi.

🔺 Suhbatda ustoz-shogird an’anasini davom ettirish, hunarga qiziqishi bo‘lgan yoshlarga poyabzal ta’mirlash sirlarini o‘rgatish masalasiga ham alohida e’tibor qaratildi. Bu orqali yoshlarni foydali mehnatga jalb etish, ularga kasb o‘rgatish va bandligini ta’minlash bilan birga, qo‘l mehnatiga asoslangan hunarlarni keyingi avlodlarga yetkazish imkoniyati mavjudligi qayd etildi.

💼 Mazkur o‘rganish mahalliy Kengash deputati faoliyatining muhim yo‘nalishlaridan bo‘lgan yoshlar bandligi, aholini ish bilan ta’minlash, mahalladagi tadbirkorlik tashabbuslarini qo‘llab-quvvatlash hamda fuqarolarning daromad manbalarini kengaytirish masalalari bilan mazmunan bog‘liq.

💡 Shuningdek, faoliyatni kengaytirish orqali qo‘shimcha bandlik imkoniyatlarini yaratish, hunarga qiziqqan yoshlarni ustozga biriktirish va ularning kelgusida mustaqil kasb egasi bo‘lib shakllanishiga ko‘maklashish yuzasidan takliflar bildirildi.

🗣 Otabek Jiyanboyev mahallalarda xizmat ko‘rsatayotgan kichik tadbirkorlarni qo‘llab-quvvatlash va ularning faoliyati uchun qulay sharoit yaratish aholi bandligini ta’minlash hamda daromadlarini oshirishning muhim omillaridan biri ekanini ta’kidladi.

✅ Hududlarda ana shunday kichik tadbirkorlik subyektlari faoliyatini bevosita o‘rganish, ularning murojaat va takliflarini tinglash hamda yoshlarni kasb-hunarga yo‘naltirishga ko‘maklashish deputatlik faoliyatining aholi manfaatlariga qaratilgan muhim yo‘nalishlaridan biridir.

📱 Telegram 📱 Instagram 📱 Facebook 📱 YouTube 🔎 E-kengash