Ko‘chkak mahallasida hokim yordamchisi faoliyati o‘rganildi

🏘 Xalq deputatlari Boysun tuman Kengashi kotibiyati mudiri O‘.Murodov 16-“Ko‘chkak” saylov okrugidan saylangan deputat B.Qodirov bilan birgalikda Ko‘chkak mahallasida faoliyat olib borayotgan hokim yordamchisining ish faoliyati bilan tanishdi.

📋 O‘rganish davomida hokim yordamchisi tomonidan mahallada aholi bandligini ta’minlash, ishsiz fuqarolarni kasb-hunarga yo‘naltirish, tadbirkorlik tashabbuslarini qo‘llab-quvvatlash hamda aholi daromadlarini oshirish borasida amalga oshirilayotgan ishlar ko‘zdan kechirildi.

💼 Shuningdek, xonadonbay ishlash, yangi tadbirkorlik loyihalarini shakllantirish, imtiyozli kredit va subsidiyalardan foydalanish istagida bo‘lgan fuqarolar bilan ishlash, mavjud muammolarni aniqlash va ularni hal etish choralari muhokama qilindi.

🤝 O‘rganish yakunida mahallada aholi bandligini ta’minlash, tadbirkorlik faoliyatini kengaytirish va fuqarolarning daromad manbalarini ko‘paytirishga qaratilgan ishlarni yanada kuchaytirish yuzasidan fikr-mulohazalar bildirildi.

📌 Maqsad — mahallada aholi bandligini ta’minlash, tadbirkorlikni rivojlantirish va har bir xonadonning daromadini oshirishga qaratilgan ishlarni samarali tashkil etish.