Xalq deputatlari Tuproqqalʼa tumani Kengashi deputati Mo‘minov Neʼmatjon Po‘latovich tomonidan Nukus mahallasida istiqomat qiluvchi, ijtimoiy reyestrda ro‘yxatda turgan fuqaro Yu.X.ning oilaviy va ijtimoiy holati o‘rganildi.

O‘rganish davomida oila aʼzolarining ehtiyojlari atroflicha o‘rganilib, ular tibbiy ko‘rikdan o‘tkazildi. Zarur dori-darmon vositalari yetkazib berildi.

Shuningdek, oila boshlig‘i doimiy ish bilan taʼminlandi. Oila aʼzosi X.R terapiya bo‘limiga bepul davolanish uchun joylashtirildi.

Mazkur oilaga ko‘rsatilayotgan ijtimoiy va tibbiy yordamlarning davomiyligi hamda oiladagi mavjud masalalarning ijobiy hal etilishini taʼminlash maqsadida deputat tomonidan oila doimiy nazoratga olindi.

Bunday amaliy ishlar ijtimoiy reyestrga kiritilgan oilalarni manzilli qo‘llab-quvvatlash, ularning muammolarini joyida o‘rganish va aholi bilan bevosita muloqotni kuchaytirishga qaratilgan.