To‘da mahallasida ariqlarni betonlash ishlari o‘rganildi

Xalq deputatlari tuman Kengashi kotibiyati mudiri O‘.Murodov hamda 16-Ko‘chkak saylov okrugidan saylangan deputat B.Qodirov tomonidan To‘da mahallasida O‘zbekiston Respublikasi Prezidentining 2026 yil 5 fevraldagi PQ-49-son qarori hamda mazkur qaror asosida xalq deputatlari Boysun tumani Kengashining 2026 yil 3 martdagi VII-20-18-8-110-K/26-son qarori bilan tasdiqlangan manzilli dastur doirasida amalga oshirilayotgan ishlar o‘rganildi.

Xususan, mahallada aholi tomorqalarini suv bilan ta’minlashni yaxshilash maqsadida 1,0 kilometr ariqlarni betonlash ishlari olib borilmoqda. Mazkur ishlarni amalga oshirish uchun 250 mln so‘m mablag‘ nazarda tutilgan.

O‘rganish davomida ariqlarni betonlash ishlarining belgilangan hajm va talablar asosida sifatli bajarilishi, shuningdek, aholi tomorqalarini sug‘orishda suv ta’minotini yaxshilash masalalariga e’tibor qaratildi.

Deputatlik nazorati — aholi manfaati va belgilangan loyihalar ijrosini ta’minlashga xizmat qiladi.