Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat J.Abdixayomova tomonidan tumanning “Markaziy” mahallasiga biriktirilgan yoshlar yetakchisi A.Jumabayev faoliyati o‘rganildi.

🔺O‘rganish jarayonida mahalladagi yoshlarning ijtimoiy holati, ularning bandligi, ishsiz yoshlarni aniqlash va mavjud imkoniyatlardan kelib chiqib ularni mehnat faoliyatiga jalb etish bo‘yicha amalga oshirilayotgan ishlarga e’tibor qaratildi. Yoshlarning bandligini ta’minlashda ularning qiziqishi, qobiliyati va kasbiy ko‘nikmalarini inobatga olish, ishlash istagida bo‘lgan yoshlarni mavjud bo‘sh ish o‘rinlariga yo‘naltirish, kasb-hunar o‘rganish istagidagi yoshlarni tegishli o‘quv kurslariga jalb etish muhimligi qayd etildi.

🔺Shuningdek, yoshlarning bo‘sh vaqtini mazmunli tashkil etish masalasi ham o‘rganildi. Yoshlarni sport, madaniyat, kitobxonlik, turli to‘garaklar va boshqa foydali mashg‘ulotlarga keng jalb qilish orqali ularning bo‘sh vaqtini samarali tashkil etish zarurligi ta’kidlandi. Ayniqsa, mahalladagi har bir yosh bilan individual ishlash, uning qiziqishi va ehtiyojini o‘rganish, iqtidorli yoshlarni qo‘llab-quvvatlash, ishsiz yoshlarni esa mehnat bozoriga mos kasblarga yo‘naltirish muhimligi ta’kidlandi.

🔺Deputat tomonidan yoshlar yetakchisiga yoshlar bilan ishlashda manzilli yondashuvni kuchaytirish, ishsiz yoshlarni aniqlash va ularning bandligini ta’minlash bo‘yicha amaliy choralarni kuchaytirish, shuningdek, yoshlarni sport va ma’naviy-ma’rifiy tadbirlarga muntazam jalb etish yuzasidan tavsiyalar berildi.