📌 Kotibiyat xodimi va deputatning 8 oylik faoliyati tahlil qilindi

Xalq deputatlari Baxmal tuman Kengashida kotibiyat bosh mutaxassisi J. Butayev hamda tuman Kengashi deputati Z. To‘raqulovning o‘tgan 8 oylik samarali faoliyati atroflicha tahlil qilindi.
O‘rganishlar davomida deputat va kotibiyat xodimi tomonidan saylov okrugida aholi murojaatlari bilan ishlash, ijro intizomi hamda hududiy muammolarni hal etish borasida amalga oshirilgan ishlar sarhisob qilindi. Xususan, “Mo‘g‘ol” MFY “Uyas” qishlog‘idagi yaroqsiz elektr ustunlarini beton ustunlarga almashtirish bo‘yicha yuborilgan deputatlik so‘rovlari va ularning ijro holatiga alohida e’tibor qaratildi.
Yig‘ilish yakunida o‘tgan davr mobaynidagi ijobiy natijalar e’tirof etilib, kuz-qish mavsumiga tayyorgarlik ko‘rish hamda aholi farovonligini oshirish bo‘yicha galdagi ustuvor vazifalar belgilab olindi.