Xalq deputatlari Qo‘qon shahar Kengashi deputati Sh.Dehkanov tomonidan “G‘ishtli masjid” mahalla fuqarolar yig‘inida hokim yordamchisi D.Nosirov faoliyati hamda O‘zbekiston Respublikasining 2012-yil 26-apreldagi O‘RQ-327-son “Oilaviy tadbirkorlik to‘g‘risida”gi va 2012-yil 2-maydagi O‘RQ-328-son “Tadbirkorlik faoliyati erkinligining kafolatlari to‘g‘risida”gi Qonunlari ijrosi yuzasidan amalga oshirilayotgan ishlar o‘rganildi.

O‘rganish jarayonida mahalla hududida faoliyat yuritayotgan yakka tartibdagi tadbirkor M.Zokirovaning faoliyati bilan yaqindan tanishildi. Tadbirkor bilan muloqot davomida uning faoliyatini rivojlantirish, mavjud imkoniyatlardan samarali foydalanish va ish ko‘lamini kengaytirish masalalari muhokama qilindi.

Ma’lum bo‘lishicha, hokim yordamchisi D.Nosirovning ko‘magida tadbirkorga faoliyatini rivojlantirish maqsadida 10 million so‘m miqdorida imtiyozli kredit ajratilgan.

Shuningdek, tadbirkorga savdo faoliyatini tashkil etish jarayonida amaldagi normativ-huquqiy hujjatlar talablari asosida 2026-yil 1-iyuldan boshlab savdo va xizmat ko‘rsatish sohalarida QR-kod orqali to‘lovlarni qabul qilish tartibi yuzasidan batafsil huquqiy tushuntirishlar berildi.

Uchrashuv davomida tadbirkorlik subyektlari uchun yaratilayotgan imkoniyatlar, davlat tomonidan ko‘rsatilayotgan moliyaviy va amaliy ko‘mak, mavjud imtiyozlardan samarali foydalanish, murojaatlarni ko‘rib chiqish tartibi hamda tadbirkorlik faoliyatini yanada rivojlantirish masalalari yuzasidan fikr almashildi.

O‘rganish yakunida tadbirkorning faoliyatini kengaytirish, yaratilgan imkoniyatlardan samarali foydalanish hamda hududda tadbirkorlikni rivojlantirish va aholi bandligini ta’minlashga qaratilgan ishlarni izchil davom ettirish yuzasidan tegishli tavsiya va takliflar bildirildi.

Xalq deputatlari Qo‘qon shahar Kengashi