#_162_ta_qonun_ijrosi
#_deputat_faoliyati
#_24_ta_masala
#_kotibiyat_xodimi_faoliyati
#kunlik_ish_reja_ijrosi
#_Kengash_ish_rejasi_ijrosi
Yoshlar va xotin-qizlar bilan ishlashda deputatlar hamkorligi kuchaytirilmoqda

Xalq deputatlari Sariosiyo tumani Kengashining “15-Tepakchinor” saylov okrugidan saylangan deputat, tuman Kengashi kotibiyati bosh mutaxassisi N.Xamdamova tomonidan xalq deputatlari tuman Kengashining “25-Afrosiyob” saylov okrugidan saylangan deputat Shaxobiddinov Ulug‘bek okrugiga qarashli “Afrosiyob” mahallasida o‘rganish ishlari olib borildi.
O‘rganish davomida xalq deputatlari tuman Kengashining 2026-yilga mo‘ljallangan ish rejasining 5–7-bandlarida belgilangan vazifalar ijrosi, xususan, mahallada yoshlar va xotin-qizlar bilan ishlash tizimi, ularning muammolarini aniqlash va hal etish, ijtimoiy qo‘llab-quvvatlash, bandligini ta’minlash hamda tadbirkorlik faoliyatini yo‘lga qo‘yishiga ko‘maklashish borasida amalga oshirilayotgan ishlar tahlil qilindi.

Shuningdek, yoshlar va xotin-qizlarning huquqlari va qonuniy manfaatlarini himoya qilish, ularning jamiyatdagi faolligini oshirish, bo‘sh vaqtlarini mazmunli tashkil etish, kasb-hunar va zamonaviy bilimlarni egallashlari uchun yaratilayotgan imkoniyatlar holati o‘rganildi.

O‘rganish jarayonida mahalladagi yoshlar va xotin-qizlar bilan suhbatlar o‘tkazilib, ularni qiynayotgan muammolar, ehtiyoj va takliflar eshitildi. Aniqlangan masalalarni mas’ul tashkilotlar bilan hamkorlikda hal etish, ehtiyojmand oilalarni qo‘llab-quvvatlash, ishsiz fuqarolarni bandligini ta’minlash hamda tadbirkorlik tashabbuslarini amalga oshirishga amaliy ko‘mak berish bo‘yicha tegishli tavsiyalar bildirildi.

Bundan tashqari, O‘zbekiston Respublikasining 2019-yil 2-sentabrdagi “Xotin-qizlarni tazyiq va zo‘ravonlikdan himoya qilish to‘g‘risida”gi O‘RQ-561-son Qonuni ijrosi ham o‘rganildi. Mahallada xotin-qizlarni tazyiq va zo‘ravonlikdan himoya qilish, ularga huquqiy va ijtimoiy yordam ko‘rsatish, profilaktika ishlarini samarali tashkil etish holatiga alohida e’tibor qaratildi.

O‘rganish yakuni bo‘yicha aniqlangan muammolarni bartaraf etish yuzasidan mas’ullarga tegishli tavsiyalar berildi hamda ularning ijrosini deputatlik nazorati asosida kuzatib borish belgilab olindi.

Bunday deputatlik o‘rganishlari aholi bilan bevosita muloqotni kuchaytirish, joylardagi muammolarni o‘z vaqtida aniqlash va hal etish, ayniqsa, yoshlar va xotin-qizlarni har tomonlama qo‘llab-quvvatlashda deputatlar hamkorligining samaradorligini oshirishga xizmat qiladi.