Xalıq deputatları Bozataw rayonlıq Keńesi 8-sanlı "Erkindárya" saylaw okruginen saylanǵan deputat J.Jumanazarov hám Keńes sekretariatı bas qánigesi Q.Aitmuratovlar 7-sanlı ulıwma orta bilim beriw mektebinde boldı.
Deputatı mektep direktorınıń orınbasarı R.Utambetov kútip alıp, bilimlendiriw mákemesiniń ishki múmkinshilikleri, oqıwshılar ushın jaratılǵan sharayatlar hám olardıń oqıw-bilimdegi jetiskenlikleri menen tanıstırdı.
Mektepte oqıwshılardıń ruwxıy dúnyasın bayıtıw, watansúyiwshilik sezimin bekkemlew hám milliy qádiriyatlarımızdı keńnen úgit-násiyatlaw maqsetinde shólkemlestirilgen ruwxıy-aǵartıwshılıq xanası da kórip shıǵıldı.
Xana oqıwshılardıń watanǵa súyispenshiligin, tariyxımızǵa hám mádeniy miyrasımızǵa qızıǵıwshılıǵın arttırıwǵa baǵdarlanǵan materiallar jaylastırılǵan.
Sonıń menen birge, jas áwladtı bilimli, mádeniyatlı, watansúyiwshi hám jámiyetke paydalı insan etip tárbiyalawda bunday ruwxıy-aǵartıwshılıq jumıslardıń áhmiyeti atap ótilip, bul baǵdardaǵı jumıslardı jáne de kúsheytiw boyınsha pikirler bildirilip, usınıslar berildi.