Bugun xalq deputatlari Bo‘stonliq tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasining yig‘ilishi bo‘lib o‘tdi.

🔺Kun tartibida quyidagi masalalar ko‘rib chiqildi:

Bo‘stonliq tumanida 2026-yilning birinchi yarim yilligida sog‘liqni saqlashni rivojlantirishga oid davlat dasturlarining bajarilishi, kasalliklar profilaktikasining holati, sog‘lom turmush tarzini va to‘g‘ri ovqatlanishni shakllantirish, shuningdek sog‘liqni saqlashning asosiy ko‘rsatkichlari to‘g‘risida tuman tibbiyot birlashmasi boshlig‘i o‘rinbosari N. Barakayevaning hisoboti tinglandi;

O‘zbekiston Respublikasi Oliy Majlisi Senati devoni hududiy vakillik organlari faoliyatini o‘rganish markazi tomonidan 2026-yil avgust oyi bo‘yicha o‘tkazilgan tahlillar natijalari to‘g‘risida xalq deputatlari Bo‘stonliq tumani Kengashi kotibiyati mudiri J.Sadirovning axboroti tinglandi.