AHOLI BANDLIGI — FAROVONLIK VA BARQAROR DAROMAD ASOSI

🚨 Xalq deputatlari tuman Kengashi deputati Z.B. O‘zbekova “Aholi bandligi to‘g‘risida”gi O‘zbekiston Respublikasi Qonuni yuzasidan o‘z fikr-mulohazalarini bildirdi.

🚨 Bugungi kunda aholi bandligini ta’minlash, fuqarolar uchun munosib mehnat sharoitlarini yaratish va oilalarning barqaror daromad manbalarini kengaytirish eng muhim ijtimoiy masalalardan biridir.

🚨 Xalq deputatlari tuman Kengashi deputati Z.B. O‘zbekova tomonidan O‘zbekiston Respublikasining 2020-yil 20-oktabrdagi O‘RQ-642-son “Aholi bandligi to‘g‘risida”gi Qonuni mazmun-mohiyati yuzasidan o‘tkazilgan chiqishda ushbu masalaning amaliy ahamiyatiga alohida e’tibor qaratildi.

🚨 Deputat o‘z chiqishida aholi bandligi faqat ishsizlikni kamaytirish bilan cheklanmasligi, balki fuqarolarning daromadini oshirish, yangi imkoniyatlar yaratish va oilalar farovonligini ta’minlash bilan chambarchas bog‘liq ekanini ta’kidladi.

🚨 Qonun aholining mehnat qilish huquqini ta’minlash, ish izlayotgan fuqarolarni qo‘llab-quvvatlash, ularni kasb-hunarga o‘qitish, qayta tayyorlash va mehnat bozorida talab yuqori bo‘lgan yo‘nalishlarga jalb etish uchun muhim huquqiy asos yaratadi.

🚨 Ayniqsa, bugungi sharoitda yoshlar va xotin-qizlar bandligini ta’minlash, oilaviy tadbirkorlikni rivojlantirish, o‘zini o‘zi band qilish imkoniyatlaridan samarali foydalanish muhim ahamiyat kasb etmoqda.

🚨 Deputat Z.B. O‘zbekovaning fikricha, qonunda belgilangan imkoniyatlarni aholiga yetkazish bilan birga, ularning amaliy ijrosini ta’minlash ham muhim. Chunki har bir qonun xalq hayotida o‘zining amaliy natijasini ko‘rsatgandagina uning ahamiyati yanada ortadi.

🚨 Shu nuqtayi nazardan, mahallalarda ishsiz fuqarolarni aniqlash, ularning kasb va qiziqishlarini o‘rganish, mavjud ish o‘rinlariga yo‘naltirish hamda tadbirkorlik tashabbuslarini qo‘llab-quvvatlash bo‘yicha tizimli ishlarni davom ettirish zarur.

🚨 “Har bir fuqaro uchun munosib mehnat imkoniyatini yaratish — nafaqat iqtisodiy, balki ijtimoiy barqarorlikning ham muhim omilidir”, — deya ta’kidladi deputat Z.B. O‘zbekova.

🚨 Aholi bandligini ta’minlash borasidagi bunday yondashuvlar hududlarda yangi ish o‘rinlarini yaratish, fuqarolarning daromadlarini oshirish va oilalar farovonligini yanada yuksaltirishga xizmat qiladi.