Xalq deputatlari Termiz shahar Kengashi kotibiyati mudiri A.Ashurov, 14-“Bog‘zor” saylov okrugi deputati O.Sharofutdinova hamda kotibiyat bosh mutaxassisi A.Temirovlar mahalladagi ijtimoiy xodim faoliyatini nazorat-tahlil qildilar.
Mazkur tahlil O‘zbekiston Respublikasining “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘RQ-415-sonli Qonuni talablari asosida amalga oshirildi.
O‘rganish davomida quyidagi masalalarga e’tibor qaratildi:
• yolg‘iz keksalar va parvarishga muhtoj fuqarolar bilan ishlash;
• nogironligi bo‘lgan shaxslarga ko‘rsatilayotgan ijtimoiy xizmatlarning sifati;
• ehtiyojmand oilalarni aniqlash va ularga manzilli ko‘mak ko‘rsatish;
• ijtimoiy xizmatlarning o‘z vaqtida va adolatli yetkazilishi;
• fuqarolar murojaatlari bilan ishlash hamda ijtimoiy reyestrlarni yuritish holati.
O‘rganish yakunida ijtimoiy xizmatlar sifatini yanada oshirish, ehtiyojmand fuqarolar bilan manzilli ishlashni kuchaytirish hamda aniqlangan masalalarni bartaraf etish yuzasidan tegishli tavsiya va ko‘rsatmalar berildi.