Xalq deputatlari Zarbdor tuman Kengashiga 19-Toshkesgan saylov okrugidan saylangan deputat Olim Mamaturayev tomonidan saylovchilar murojaatlari asosida Toshkesgan mahallasi hududidagi Chorvador va Urg‘unobod ko‘chalari masalasi yuzasidan deputat so‘rovi yuborilgan edi.

🔍 Deputat so‘rovi Zarbdor tuman Qurilish va uy-joy kommunal xo‘jaligi bo‘limi mutaxassislari tomonidan joyiga chiqib o‘rganildi.

📋 O‘rganish davomida Chorvador va Urg‘unobod ko‘chalarini bog‘laydigan hamda transport vositalari harakatlanishi mumkin bo‘lgan ko‘cha mavjud emasligi aniqlangan.

O‘rganish natijalariga ko‘ra, hududdagi mavjud vaziyat, aholi manfaatlari va infratuzilma holati inobatga olinib, Chorvador hamda Urg‘unobod ko‘chalarini bog‘lovchi ko‘cha tashkil etish masalasini fuqarolar bilan kelishgan holda amalga oshirish imkoniyati mavjudligi qayd etildi.