Xalq deputatlari Buloqboshi tumani Kengashining 11-Qaqir saylov okrugi deputati D.Yo‘ldasheva mahalla profilaktika inspektori L.Arabboyev bilan hamkorlikda hududdagi xonadonlarda oilaviy kelishmovchiliklarning oldini olishga qaratilgan profilaktik uchrashuvlar o‘tkazdi.
🗣 Uchrashuvlar davomida fuqarolar bilan oilalarda sog‘lom ma’naviy muhitni shakllantirish, o‘zaro hurmat va tushunishni mustahkamlash, nizoli vaziyatlarni tinch yo‘l bilan hal etish hamda oilaviy nizolarning salbiy oqibatlarini oldini olish masalalarida suhbatlar olib borildi.
⚖️ Shuningdek, aholiga O‘zbekiston Respublikasining “Aholiga psixologik yordam ko‘rsatish to‘g‘risida”gi O‘RQ-989-sonli Qonuni mazmun-mohiyati tushuntirildi. Qonun targ‘iboti doirasida psixologik yordamning ahamiyati, zarur hollarda mutaxassisga murojaat qilish va ruhiy salomatlikni asrash masalalariga alohida e’tibor qaratildi.
🤝 Maqsad — oilalarda tinchlik va totuvlikni mustahkamlash, nizoli holatlarning barvaqt oldini olish hamda aholining huquqiy va psixologik savodxonligini oshirish.

| Web.sayt | Telegram | Facebook | Youtube| Instagram |