#deputatlik_faoliyati_Uchtepa #Hamkorlik_faoliyati

ZARGARLIK MAHALLASIDA MAHALLA MUAMMOLARI VA DOLZARB VAZIFALAR MUHOKAMA QILINDI

🧠 Uchtepa tumani Zargarlik mahallasida Shirin va Zargarlik mahallalari yettiligi, tuman hamda Toshkent shahar Kengashi deputatlari ishtirokida davra suhbati tashkil etildi.

🇺🇿 Unda O‘zbekiston Respublikasi Oliy Majlisi Qonunchilik palatasi Fan, ta’lim, madaniyat, sport va yoshlar masalalari qo‘mitasi a’zosi Fayziyeva Vasila Solihovna ishtirok etib, Qonunchilik palatasi tomonidan amalga oshirilayotgan ishlar, qonun loyihalari va muhim masalalar yuzasidan olib borilayotgan muhokamalar haqida ma’lumot berdi.

🇺🇿 Shuningdek, suhbat davomida, Prezidentimizning Toshkent viloyati Bekobod tumaniga tashrifi davomida videoselektor yig‘ilishida ko‘tarilgan dolzarb masalalar yuzasidan atroflicha fikr almashildi. Mahallalarda amalga oshirilayotgan islohotlar, aholi bilan ishlash tizimi va mavjud muammolarni hal etish masalalariga alohida e’tibor qaratildi.

🗣 O‘zbekiston Milliy Tiklanish demokratik partiyasi Toshkent shahar Kengashi raisi O.Jiyanbayev tomonidan poytaxt shahri va tumanlarda faoliyat yuritayotgan partiya deputatlari, xususan tuman Kengashi deputatlari J.Karimov, A.Abdushukurov, Z.Xaydarova hamda Sh.Tursunovalar tomonidan amalga oshirayotgan ishlar, saylovchilar murojaatlari bilan ishlash va hududlarda ko‘tarilayotgan masalalarni hal etish borasidagi faoliyati haqida ham so‘z yuritildi.

📈 Shuningdek, Zargarlik mahallasi raisi R.Naposov va Shirin mahalla raisi Z.Alimov tomonidan hududlarda mavjud muammolar va ularni hal etish bo‘yicha takliflar bildirildi. Ko‘tarilgan masalalarni Toshkent shahar Kengashi deputatlari tomonidan nazoratga olish va tegishli tashkilotlar bilan hamkorlikda yechim topish bo‘yicha kelishib olindi.

💼 Ushbu uchrashuvda xalq deputatlari Uchtepa tumani Kengashi raisi Jafar Ismanov, Kengash kotibiyati mudiri Anvar Usmanov hamda kotibiyat bosh mutaxassisi Umidbek Abilovlar ishtirok etishdi.

📈 Tadbir yakunida bildirilgan taklif va muammolar yuzasidan aniq hamda konstruktiv savol-javoblar o‘tkazilib, kelgusidagi hamkorlikning ustuvor yo‘nalishlari va amalga oshiriladigan vazifalar belgilab olindi.