Xalq deputatlari Bekobod tumani Kengashiga O‘zbekiston Ekologik partiyasidan saylangan deputat S.Lyu "Terakzor" mahallasida aholi bilan uchrashib, mavjud muammolarni joyiga chiqqan holda o‘rgandi.

Binokor ko‘chasida yashovchi Gulmira Berdiyeva asosiy yo‘l chetiga piyodalar yo‘lakchasi barpo etishda amaliy yordam so‘rab murojaat qildi. Uning ta’kidlashicha, kuz va qish mavsumida asfaltlanmagan yo‘l sababli qariyb 30 nafar o‘quvchi maktabga qatnashda qiyinchilikka duch kelmoqda.

Mazkur murojaat deputat tomonidan nazoratga olinib, "Ko‘chama-ko‘cha yurish" daftariga qayd etildi. Muammoni bartaraf etish yuzasidan tegishli tashkilotlar bilan hamkorlikda amaliy choralar ko‘rish belgilandi.