Xalq deputatlari Bekobod tuman Kengashi raisi Y. Mo‘minova hamda 16-Jumabozor saylov okrugiga O‘zbekiston Liberal-demokratik partiyasidan saylangan deputat A. Djabbarov Qushchi mahallasida bo‘lib, yoshlar yetakchisi bilan birgalikda 26-son umumta’lim maktabi bitiruvchilarining bandligini ta’minlash borasida amalga oshirilayotgan ishlarni o‘rgandilar.

O‘rganish davomida bitiruvchilarning kasb-hunarga yo‘naltirilishi, oliy va professional ta’limga qamrovi, ish bilan ta’minlanishi hamda ularning kelgusidagi bandligini ta’minlash yuzasidan olib borilayotgan chora-tadbirlar muhokama qilindi.

🤝 Yoshlarning munosib ta’lim olishi, kasb egallashi va doimiy ish bilan ta’minlanishi — jamiyat taraqqiyotining muhim omillaridan biridir. Bu boradagi ishlar deputatlik nazoratida davom ettiriladi.