Maktabgacha ta’lim va tarbiya to‘g‘risida”gi Qonun ijrosi o‘rganildi Xalq deputatlari Kosonsoy tumani Kengashining 22-Obod saylov okrugidan saylangan deputati Ismoilxon Murodov hamda Kengash kotibiyati bosh mutaxassisi H. Sharipov tomonidan Do‘stlik mahallasida faoliyat yuritayotgan 41- davlat maktabgacha ta’lim tashkilotlarida O‘zbekiston Respublikasining “Maktabgacha ta’lim va tarbiya to‘g‘risida”gi O‘RQ–595-sonli Qonuni ijrosi yuzasidan joyiga chiqqan holda o‘rganish ishlari olib borildi. 👨‍💼 O‘rganish jarayonida maktabgacha ta’lim tashkilotlarida ta’lim-tarbiya jarayonining qonunchilik talablariga muvofiq tashkil etilishi, tarbiyalanuvchilarga sifatli ta’lim va tarbiya berish, ularning intellektual, jismoniy hamda ma’naviy rivojlanishi uchun yaratilgan shart-sharoitlar atroflicha tahlil qilindi. Shuningdek, muassasalarda bolalarning sog‘lom va xavfsiz muhitda tarbiyalanishini ta’minlash, sanitariya-gigiyena talablariga rioya etilishi, oziq-ovqat mahsulotlari sifati va ovqatlantirish tizimi, tibbiy xizmat ko‘rsatish, pedagog xodimlarning faoliyati hamda mashg‘ulotlarning davlat ta’lim standartlari asosida olib borilishi holati ko‘zdan kechirildi. O‘rganish davomida guruh xonalari, o‘quv va o‘yin maydonchalari, moddiy-texnik baza, o‘quv-metodik ta’minot, tarbiyalanuvchilarning davomat ko‘rsatkichlari hamda ota-onalar bilan hamkorlikni yo‘lga qo‘yish borasida amalga oshirilayotgan ishlar yuzasidan mas’ullarning axborotlari tinglandi.