MUNOSABAT:Shaxsga doir ma'lumotlarni himoya qilish – har bir fuqaroning konstitutsiyaviy huquqidir.

Oʻzbekiston Respublikasining 2019-yil 2-iyulda qabul qilingan "Shaxsga doir ma'lumotlar toʻgʻrisida"gi OʻRQ-547-son Qonuni fuqarolarning shaxsiy hayoti daxlsizligini taʼminlash, ularning shaxsga doir maʼlumotlarini qonuniy himoya qilish hamda ushbu maʼlumotlardan foydalanishning huquqiy asoslarini belgilab beradi.

Mazkur Qonunning mohiyati yuzasidan Xalq deputatlari Angor tumani Kengashi deputati Amniqulov Shaxrijahon Oʻtkir oʻgʻli o‘z munosabatini bildirib shunday dedi:"Bugungi raqamli davrda fuqarolarning shaxsga doir maʼlumotlarini himoya qilish dolzarb masalaga aylandi. Mazkur Qonun har bir fuqaroning shaxsiy maʼlumotlari qonun asosida yigʻilishi, saqlanishi va ulardan foydalanilishini kafolatlaydi. Bu esa fuqarolarning huquqlari va qonuniy manfaatlarini ishonchli himoya qilishga xizmat qiladi."

Shuningdek, deputat taʼkidlaganidek, shaxsga doir maʼlumotlardan foydalanishda qonunchilik talablariga qatʼiy rioya etish, fuqarolarning roziligini olish hamda axborot xavfsizligini taʼminlash davlat organlari va tashkilotlarning muhim vazifalaridan biridir.

Qonun fuqarolarga nima beradi?

✔️Shaxsga doir maʼlumotlarning himoya qilinishini kafolatlaydi.
✔️Shaxsiy maʼlumotlardan faqat qonuniy asoslarda foydalanilishini taʼminlaydi.
✔️Fuqarolarning shaxsiy hayoti daxlsizligini himoya qiladi.
✔️Axborot xavfsizligini mustahkamlash va shaxsiy maʼlumotlardan noqonuniy foydalanishning oldini olishga xizmat qiladi.