Yig‘ilishda joriy haftada amalga oshirilgan ishlar sarhisobi muhokama qilinib, yangi hafta uchun ustuvor vazifalar belgilab olindi.

Dastlab, Kengash kotibiyati mudiri hamda mutaxassislar ishtirokida deputatlik nazorati doirasida amalga oshirilgan ishlar, hududlarda o‘tkazilgan o‘rganishlar natijalari hamda fuqarolardan kelib tushgan murojaatlar bilan ishlash holati yuzasidan axborotlar tinglandi.

Shuningdek, yig‘ilishda Kengash faoliyatining samaradorligini oshirish, hududdagi dolzarb masalalarni o‘z vaqtida aniqlash va bartaraf etish, deputatlik nazoratini yanada kuchaytirish masalalari atroflicha ko‘rib chiqildi.

Muhokamalar jarayonida Kengash huzuridagi Yoshlar maslahat guruhi faoliyati ham alohida e’tibor markazida bo‘ldi. Jumladan, yoshlarning tashabbus va takliflarini kengroq o‘rganish, ularni ijtimoiy-iqtisodiy jarayonlarga faol jalb etish, shuningdek, joylarda ochiq muloqot va uchrashuvlarni ko‘paytirish zarurligi ta’kidlandi.

Yig‘ilish yakunida yangi hafta davomida amalga oshiriladigan deputatlik nazorati tadbirlari, fuqarolar bilan uchrashuvlar reja asosida tashkil etilishi hamda kelib tushgan murojaatlarni hal etish bo‘yicha aniq vazifalar belgilandi.