Xalq deputatlari Angor tumani Kengashi kotibiyati mudiri Jamshid Raximqulov tomonidan 1-Guliston saylov okrugida joylashgan Guliston mahallasida o‘rganish ishlari olib borildi.

O'rganish davomida mahalla fuqarolar yig‘ini raisi Rustam Norsaatov Qulsatovich tomonidan hududdagi mavjud holat, amalga oshirilayotgan bunyodkorlik ishlari hamda aholi murojaatlari bilan ishlash tizimi yuzasidan kotibiyat mudiriga ma’lumot berdi.

Shuningdek, mahallada fuqarolar uchun yaratilgan shart-sharoitlar, mavjud imkoniyatlardan foydalanish holati, aholini qiynab kelayotgan masalalar va ularni bartaraf etish yuzasidan olib borilayotgan ishlar o‘rganildi.

O‘rganish jarayonida aholi bilan muloqot qilinib, ularning taklif va murojaatlari tinglandi hamda aniqlangan masalalar yuzasidan tegishli tavsiyalar berildi.

Tahlil markazida bo‘lgan muhim yo‘nalishlar:

• Mahalla raisi: Mahalladagi umumiy ijtimoiy-ma’naviy muhit, aholi murojaatlari bilan ishlash tizimi hamda "mahalla yettiligi" faoliyatini samarali muvofiqlashtirish masalalari;

• Hokim yordamchisi Mahallada aholi bandligini ta’minlash, oilaviy tadbirkorlikni rivojlantirish dasturlari doirasida imtiyozli kreditlar ajratilishi hamda kambag‘allikni qisqartirish borasidagi ishlar samaradorligi;

• Xotin-qizlar faoli Mahalladagi xotin-qizlarning huquq va manfaatlarini himoya qilish, "Ayollar daftari" orqali ko‘rsatilayotgan manzilli ko‘maklar hamda oilaviy munosabatlarni sog‘lomlashtirish choralari.

• Ijtimoiy xodim Mahalladagi ehtiyojmand va ko‘makka muhtoj oilalar, keksalar, yolg‘iz kishilar hamda nogironligi bo‘lgan shaxslarga ko‘rsatilayotgan ijtimoiy xizmatlarning sifati va manzilliligi.

"Mahalla faollari — aholining dardu tashvishini birinchi bo‘lib eshitadigan va ularga ko‘mak beradigan eng muhim bo‘g‘indir.