Xalq deputatlari Ishtixon tumani Kengashining navbatdagi sessiyasida tumandagi ekologik holat, “Yashil makon” umummilliy loyihasi ijrosi hamda atrof-muhitni muhofaza qilish borasida amalga oshirilgan ishlar muhokama qilindi.

Sessiyada yuz minglab daraxt ko‘chatlari ekilgani, mahallalarda chiqindilarni olib chiqish tizimi yo‘lga qo‘yilgani, ekologik qonunbuzarliklarning oldini olish bo‘yicha qator ishlar amalga oshirilgani qayd etildi. Shu bilan birga, ayrim hududlarda ko‘chat ekish ko‘rsatkichlari pastligi, daryo o‘zanlaridan qum-shag‘al qazib olish hamda noqonuniy chiqindi tashlash holatlariga qarshi kurashni yanada kuchaytirish zarurligi ta’kidlandi.

Muhokamalar yakunida Kengashning tegishli qarori qabul qilinib, mas’ul tashkilotlarga aniq vazifalar belgilandi.

📍 Qaror ijrosi Xalq deputatlari Ishtixon tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi tomonidan nazorat qilib boriladi.

Bizni ijtimoiy tarmoqlarda kuzating:
Telegramm | Web-sayt | Facebook | Instagram