Xalq deputatlari Ellikqal’a tumani Kengashi

Yangiliklar

So‘ngi yangiliklar

Xalq deputatlari Ellikqal’a tuman Kengashiga 16-sonli “Oybek” saylov okrugidan saylangan deputat Abduramanova Nabira Kenjabayevna o‘z saylov hududida faoliyat olib borayotgan mahalla yettiligi vakillari bilan uchrashuv o‘tkazdi.

Xalq deputatlari Ellikqal’a tuman Kengashining 17-sonli “Qumbosqan” saylov okrugidan saylangan deputat Jarkinbayev Baxodir Salavatovich o‘z saylov hududida hashar ishlarini olib bordi.

Xalq deputatlari Ellikqal’a tuman Kengashining 18-sonli “Bog‘yob” saylov okrugidan saylangan deputat Echchanova Bagdagul Sabirovna o‘z saylov hududida hashar ishlarini olib bordi.

Xalq deputatlari Ellikqal’a tuman Kengashining 19-sonli “Paxtakor” saylov okrugidan saylangan deputat Ayitov Komiljon Kerimbayevich o‘z saylov hududida hashar ishlarini olib bordi.

Xalq deputatlari Ellikqal’a tuman Kengashining 2-sonli “A.Navoiy” saylov okrugidan saylangan deputat Xodjiyev Shodiyar Shamuratovich o‘z saylov hududida hashar ishlarini olib bordi.

Xalq deputatlari Ellikqal’a tuman Kengashining 1-sonli “Bo‘ston” saylov okrugidan saylangan deputat Xoniyazov Baxram Bazarbayevich o‘z saylov hududida hashar ishlarini olib bordi.

Xalq deputatlari Ellikqal’a tuman Kengashiga 2-sonli “A.Navoiy” saylov okrugidan saylangan deputat Xodjiev Shodiyar Shamuratovich tuman markazidan oqib o‘tuvchi “Ellikqal’a” kanali sohil bo‘yida aholiga qulaylik yaratish, hududning obodonligini ta’minlash hamda xizmat ko‘rsatish infratuzilmasini rivojlantirishga qaratilgan ishlar bilan yaqindan tanishdi.

Xalq deputatlari Ellikqal’a tuman Kengashiga 19-sonli “Paxtakor” saylov okrugidan saylangan deputat Ayitov Komiljon Kerimbayevich tomonidan hududlarda amalga oshirilayotgan bunyodkorlik va qurilish ishlari bilan yaqindan tanishish maqsadida Ellikqal’a OFY hududiga tashrif buyurildi.

O‘zbekiston Respublikasi Oliy Majlisi Senati Kengashining 2024-yil 29-noyabrdagi “Kambag‘allikni qisqartirish bo‘yicha belgilangan ustuvor vazifalarning bajarilishini nazorat qilish chora-tadbirlari to‘g‘risida”gi KQ-6-V-sonli qarori ijrosini ta’minlash maqsadida Xalq deputatlari Ellikqal’a tuman Kengashi huzuridagi “Kambag‘allikni qisqartirish bilan bog‘liq masalalar bo‘yicha komissiya”ning navbatdagi yig‘ilishi bo‘lib o‘tdi.

O‘zbekiston O‘zLiDeP partiyasidan Xalq deputatlari Ellikqal’a tuman Kengashiga 21-sonli “Yangier” saylov okrugidan saylangan deputat Allabergenova Yulduz Farxodovna Aqchako‘l OFYda o‘z saylovchilar bilan uchrashuv bo‘lib o‘tdi.

Xalq deputatlari Quvasoy shahar Kengashi deputati

Shahar ELEKTR TARMOQLARI rahbariyatiga Kengash qarori O'YINCHOQMI ?!

Xalq deputatlari Quvasoy shahar Kengashining 2025- yil 18-avgustda qabul qilingan VII-9-59-11-167-K/25-sonli qarori ijrosi yuzasidan hanuzgacha aniq natija yo‘qligi jamoatchilikda keskin e’tiroz uyg‘otmoqda. Qaror qabul qilinganiga 7 oydan ortiq vaqt o‘tgan bo‘lsa-da, unda belgilangan tayyor temir-beton tayanch ustunlarini o‘rnatish ishlari amalga oshirilmagan.

Eng achinarlisi, mazkur ustunlar allaqachon xarid qilingan bo‘lsa-da, ularni joyiga o‘rnatish masalasi sababsiz ravishda paysalga solinmoqda. Natijada aholi elektr ta’minotidagi uzilishlar, xavfsizlikka tahdid va ortib borayotgan muammolar bilan yuzma-yuz qolmoqda.

Bugun davlatimiz rahbari Sh.Mirziyoyev fuqarolar manfaatlarini himoya qilish, infratuzilmani yaxshilash, hududlarni obod etish siyosatini qat’iy olib borayotgan bir paytda, joylarda bunday loqaydlik va mas’uliyatsizlik Prezident siyosatini amalda qasddan orqaga tortish bilan barobar emasmi? Tayyor, sotib olingan tayanch ustunlarni o‘rnatmaslik – bu oddiy sustkashlikmi yoki aholining ehtiyojlariga nisbatan ochiq bepisandlikmi?

O‘rinli savol tug‘iladi: Quvasoy shahri Elektr ta’minoti korxonasi boshlig‘i Abelfazov Odiljon Huseinovich nima sababdan Kengash qarorini ijrosiz qoldirmoqda? Qarorni bajarishga to‘sqinlik qilayotgan real omillar bormi? Agar mavjud bo‘lsa, nega bu haqda Kengash va jamoatchilikka o‘z vaqtida rasmiy, asosli ma’lumot berilmadi?

Xalq deputatlari shahar Kengashi qarori – bu shunchaki tavsiya emas, balki ijro etilishi shart bo‘lgan normativ-huquqiy hujjatdir. Unda shahardagi "100 ming aholini taqdiri" yotadi. Uni mensimaslik yoki qog‘ozda qoldirish davlat boshqaruvi intizomiga va qonun ustuvorligiga zid harakat hisoblanadi.

Mas’ul tashkilot rahbariyatidan mazkur qaror ijrosi yuzasidan aniq muddatlar, amaliy chora-tadbirlar rejasi va javobgarlik masalasiga ochiq-oydin izoh berilishi qat’iy talab etiladi. Aks holda, bu masala jamoatchilik nazoratiga olinib, tegishli tartibda muhokama qilinishi va qonun doirasida choralar ko‘rilishi zarur.

Aholi manfaatlari ustuvor bo‘lgan davrda, joylardagi beparvolik va sustkashlikka o‘rin yo‘q.

Davlat siyosatini so‘zda emas, amalda qo‘llab-quvvatlash – har bir rahbarning bevosita burchidir.

Slide 1 of 5