Memorandumning asosiy maqsadi:

fuqarolarning huquq va manfaatlarini himoya qilish;

ijtimoiy himoyaga muhtoj qatlamni qo‘llab-quvvatlash;

kambag‘allikni qisqartirish, xotin-qizlar va yoshlar bandligini ta’minlash;

shuningdek, huquqiy savodxonlikni oshirish yo‘nalishlarida tizimli hamkorlikni yo‘lga qo‘yishdan iborat.

Hamkorlik doirasida:

aholi murojaatlarini birgalikda o‘rganish va amaliy yordam ko‘rsatish;

ijtimoiy muammolarni aniqlash va ularni bartaraf etish bo‘yicha qo‘shma reja ishlab chiqish;

bepul huquqiy maslahatlar va sayyor qabullar tashkil etish;

nogironligi bo‘lgan shaxslar, kam ta’minlangan oilalar hamda ehtiyojmand fuqarolarga manzilli ko‘mak berish;

aholi o‘rtasida targ‘ibot va tushuntirish ishlarini kuchaytirish kabi masalalar belgilab olindi.

Hududda Kengash deputatlari tomonidan o‘rganilgan muammolarga “Madad” NNT bilan birgalikda aholiga amaliy yordam ko‘rsatish va samarali huquqiy maslahat berish mumkinligi ta’kidlandi.

Bu esa ijtimoiy barqarorlikni mustahkamlash, fuqarolarning davlat va jamiyat institutlariga bo‘lgan ishonchini yanada oshirishga xizmat qiladi.

Memorandum doirasida kelgusida qo‘shma loyihalar, o‘quvlar, davra suhbatlari o‘tkazish rejalashtirilgan.