logo
Xalq deputatlari Ellikqal’a tumani Kengashi

Yangiliklar

So‘ngi yangiliklar

янв.21
Xalq deputatlari Ellikqal’a tuman Kengashi deputatlari Karimov O‘rinbay Tangribergenovich hamda Yusupova Muhabbat Ashirovnalar saylovchilar bilan uchrashuv o‘tkazdilar.
янв.21
Xalq deputatlari Ellikqal’a tuman Kengashiga 16-sonli “Oybek” saylov okrugidan saylangan deputat Abduramanova Nabira Kenjabayevna o‘z saylov hududida faoliyat olib borayotgan mahalla yettiligi vakillari bilan uchrashuv o‘tkazdi.
янв.21
Xalq deputatlari Ellikqal’a tuman Kengashining 17-sonli “Qumbosqan” saylov okrugidan saylangan deputat Jarkinbayev Baxodir Salavatovich o‘z saylov hududida hashar ishlarini olib bordi.
янв.21
Xalq deputatlari Ellikqal’a tuman Kengashining 18-sonli “Bog‘yob” saylov okrugidan saylangan deputat Echchanova Bagdagul Sabirovna o‘z saylov hududida hashar ishlarini olib bordi.
янв.21
Xalq deputatlari Ellikqal’a tuman Kengashining 19-sonli “Paxtakor” saylov okrugidan saylangan deputat Ayitov Komiljon Kerimbayevich o‘z saylov hududida hashar ishlarini olib bordi.
янв.21
Xalq deputatlari Ellikqal’a tuman Kengashining 2-sonli “A.Navoiy” saylov okrugidan saylangan deputat Xodjiyev Shodiyar Shamuratovich o‘z saylov hududida hashar ishlarini olib bordi.
янв.21
Xalq deputatlari Ellikqal’a tuman Kengashining 1-sonli “Bo‘ston” saylov okrugidan saylangan deputat Xoniyazov Baxram Bazarbayevich o‘z saylov hududida hashar ishlarini olib bordi.
янв.21
Xalq deputatlari Ellikqal’a tuman Kengashiga 2-sonli “A.Navoiy” saylov okrugidan saylangan deputat Xodjiev Shodiyar Shamuratovich tuman markazidan oqib o‘tuvchi “Ellikqal’a” kanali sohil bo‘yida aholiga qulaylik yaratish, hududning obodonligini ta’minlash hamda xizmat ko‘rsatish infratuzilmasini rivojlantirishga qaratilgan ishlar bilan yaqindan tanishdi.
янв.21
Xalq deputatlari Ellikqal’a tuman Kengashiga 19-sonli “Paxtakor” saylov okrugidan saylangan deputat Ayitov Komiljon Kerimbayevich tomonidan hududlarda amalga oshirilayotgan bunyodkorlik va qurilish ishlari bilan yaqindan tanishish maqsadida Ellikqal’a OFY hududiga tashrif buyurildi.
янв.21
O‘zbekiston Respublikasi Oliy Majlisi Senati Kengashining 2024-yil 29-noyabrdagi “Kambag‘allikni qisqartirish bo‘yicha belgilangan ustuvor vazifalarning bajarilishini nazorat qilish chora-tadbirlari to‘g‘risida”gi KQ-6-V-sonli qarori ijrosini ta’minlash maqsadida Xalq deputatlari Ellikqal’a tuman Kengashi huzuridagi “Kambag‘allikni qisqartirish bilan bog‘liq masalalar bo‘yicha komissiya”ning navbatdagi yig‘ilishi bo‘lib o‘tdi.
Aholini ro‘yxatga olish — sog‘liqni saqlash tizimi samaradorligining muhim kafolati.

Aholini ro‘yxatga olish — sog‘liqni saqlash tizimi samaradorligining muhim kafolati.

Yangi O‘zbekistonda amalga oshirilayotgan izchil islohotlar inson qadrini ulug‘lash, aholi farovonligini ta’minlashga qaratilgani bilan ahamiyatlidir. Davlat siyosatida fuqarolarning hayoti va salomatligini muhofaza qilish ustuvor yo‘nalish sifatida belgilangan. Shu nuqtayi nazardan qaralganda, aholini ro‘yxatga olish tadbiri sog‘liqni saqlash tizimini zamon talablari asosida takomillashtirishda muhim o‘rin tutadi.

✨So‘nggi yillarda mamlakat aholisi sonining o‘sishi, yosh tarkibidagi o‘zgarishlar hamda ichki migratsiya jarayonlari kuchaydi. Bu esa tibbiy xizmatlarga bo‘lgan ehtiyojning hududlar kesimida farqlanishiga olib kelmoqda. Bunday sharoitda sog‘liqni saqlash sohasida oqilona qarorlar qabul qilish uchun aniq va ishonchli demografik ma’lumotlar zarur. Aholini ro‘yxatga olish ana shu ehtiyojni qondiruvchi muhim statistik manba hisoblanadi.

📶Tibbiy infratuzilmani samarali rejalashtirishda aholining haqiqiy soni va joylashuvi haqidagi ma’lumotlar hal qiluvchi ahamiyatga ega. Ayrim hududlarda tibbiyot muassasalari ortiqcha yuklama bilan ishlayotgan bo‘lsa, boshqa joylarda mavjud imkoniyatlar to‘liq ishga solinmayapti. Ro‘yxatga olish natijalari har bir mahalla, tuman va shahar kesimida aniq demografik holatni belgilab berib, yangi shifoxonalar, poliklinikalar hamda tez tibbiy yordam xizmatlarini manzilli tashkil etish imkonini yaratadi.

📍Shuningdek, aholining yosh va ijtimoiy tarkibi to‘g‘risidagi ma’lumotlar tibbiy xizmatlar ixtisoslashuvini to‘g‘ri belgilashga xizmat qiladi. Masalan, bolalar ulushi yuqori bo‘lgan hududlarda pediatriya xizmatlarini kengaytirish, keksalar salmog‘i katta bo‘lgan joylarda esa yurak-qon tomir, asab va surunkali kasalliklar bo‘yicha mutaxassislar sonini oshirish maqsadga muvofiq bo‘ladi. Bu tibbiyot kadrlarini samarali taqsimlashga va xizmat sifati oshishiga zamin yaratadi.

🔄Aholini ro‘yxatga olish natijalari dori-darmon ta’minoti tizimida ham muhim ahamiyat kasb etadi. Aniq hisob-kitoblarga asoslangan ma’lumotlar imtiyozli va bepul dori vositalarini rejalashtirishda ortiqcha sarf-xarajatlarning oldini oladi. Bu esa davlat mablag‘laridan oqilona foydalanish bilan birga, bemorlarning zarur dori-darmonlarni o‘z vaqtida olishini ta’minlaydi.

Bundan tashqari, demografik ma’lumotlar profilaktik tibbiyotni rivojlantirishga xizmat qiladi. Aniq ma’lumotlarga tayangan holda xavf guruhlarini belgilash, skrining tekshiruvlarini maqsadli tashkil etish va kasalliklarni erta aniqlash imkoniyati kengayadi. Natijada aholi salomatligi yaxshilanib, kasallanish va o‘lim ko‘rsatkichlari pasayishiga erishiladi.

Aniq raqamlar va haqiqiy ehtiyojlarga asoslangan yondashuv esa tibbiy xizmatlar sifatini oshirish, sohadagi muammolarni tizimli hal etishga xizmat qiladi. Chunki ishonchli ma’lumot — samarali boshqaruv va sog‘lom jamiyat barpo etishning eng muhim omillaridan biridir.

Nilufar Ja’farova,

Xalq deputatlari Samarqand viloyat kengashi deputati.

⚡️

 @sam_vil_deputatlari

Slide 1 of 1