Termiz tumanidagi “M. Eshtemirov” mahallasida navbatdagi yig‘ilish bo‘lib o‘tdi:

Mahalla yettiligi hamda deputatlar ishtirokida o‘tkazilgan yig‘ilishda hududdagi ijtimoiy-iqtisodiy faoliyat natijalari muhokama qilindi.

Deputat nazorati ostida amalga oshirilayotgan ishlar:

— Yoshlar yetakchisi tomonidan yoshlarni jamiyatga faol jalb qilish, ularni kasbga yo‘naltirish hamda bo‘sh vaqtlarini mazmunli o‘tkazishga qaratilgan turli tadbirlar muntazam o‘tkazib kelinmoqda.

— Hokim yordamchilari tomonidan kam ta’minlangan oilalarni qo‘llab-quvvatlash, ularni kambag‘allikdan chiqarish bo‘yicha amaliy ishlarga alohida eʼtibor qaratilmoqda.

— Mahalla soliq inspektori esa soliqqa oid majburiyatlarning bajarilishi, tadbirkorlar va aholining o‘z vaqtida soliq to‘lashi ustidan monitoring olib bormoqda.

— Ijtimoiy xodim tomonidan ehtiyojmand oilalarga ijtimoiy nafaqalar va moddiy yordam ko‘rsatish, bu jarayonning samaradorligi va adolatli tashkil etilishiga xizmat qilinmoqda.

Eslatma: PQ-134-son qarori ijrosi:

O‘zbekiston Respublikasi Prezidentining PQ-134-son qaroriga muvofiq, 2025-yil 1-maydan 2027-yil 1-aprelgacha “Ijtimoiy himoya yagona reyestri” orqali kam ta’minlangan oilalarning elektr va gaz uchun sarflanadigan to‘lovlarining bir qismi davlat tomonidan kompensatsiya qilinadi.

M.Eshtemirov mahallasida ushbu jarayon deputatlar, hokim yordamchilari va ijtimoiy xodimlar hamkorligida kelishilgan tartibda olib borilishi belgilandi. Shuningdek, yordamga muhtoj biror bir oila yoki shaxs nazardan chetda qolmasligi, barcha ehtiyojmandlarga adolatli va to‘liq yordam ko‘rsatilishi zarurligi alohida ta’kidlandi.

Shuningdek mahalla hududida E’tibor qaratish zarur bo‘lgan ishlar:

Mahalla hududida tozalikni ta’minlash;

Daraxt ekish tadbirlariga tayyorgarlik ko‘rish;

Aholining faolligini oshirish;