Prezidentimiz tashabbusi bilan amalga oshirilayotgan “Obod mahalla – obod xonadon – obod ko‘cha" dasturi aholining turmush tarzini yuksaltirish, ayniqsa, xonadonlarni obod hamda ko‘rkam qilish, qurilish me’yorlari va sanitariya-gigiena qoidalariga, sog‘lom turmush tarzi ko‘nikmalariga rioya etish, farzand tarbiyasi, aholi bandligini ta’minlash, tadbirkorlikni yo‘lga qo‘yish, kasanachilikni rivojlantirish yo‘nalishidagi ishlarni yanada yuqori bosqichga ko‘tarishga xizmat qilmoqda.

“Obodlik – har birimizdan boshlanadi!”, - deydi shahar Kengashi deputati, MFY raisi D.Atayeva.

Urganch shahri “Shodlik” mahallasida “Obod xonadon”, “Obod ko‘cha” va “Obod mahalla” tanlovining mahalla bosqichi
boshlandi!

1100 ta xonadon va 32 ta ko‘cha orasida eng namunali, eng ozoda va eng obodlar aniqlanmoqda.

Bu nafaqat g‘oliblik, balki har bir oilaning o‘z mahallasini chiroyli va farovon qilish yo‘lidagi ezgu qadamidir.