Deputatlar tárepinen rayonda jol háreketi qáwipsizligin támiyinlew hám transport qurallarınıń háreket tezligin normativlik dárejege keltiriw máselesi dodalandı

🟢 Májiliste Xalıq depuataları Shımbay rayonlıq Keǹesı sekretariat baslıǵı M.Zarikeev, turaqlı komissiya baslıqları, rayonlıq keǹes deputatlar hámde tiyisli taraw qániygeleri qatınastı.

Ózbekstan Respublikası Ministrler Kabinetiniń 2023-jıl 3-aprel kùngi “Jol háreketi qaǵıydalarına avtomobil jollarında háreket qáwipsizligin támiyinlewge qaratılǵan ózgeris kirgiziw haqqında”ǵı 140-sanlı qararı hám de Qaraqalpaqstan Respublikası Ishki isler Ministrligi 3-zonallıq aymaq Shımbay rayonı Ishki isler bòliminiǹ 2026-jıl 20-iyul kùngi 44/45-11/3124-sanlı usınıs xatı tiykarında jol-transport hádiyseleriniń aldın alıw, piyadalar hám jol háreketi qatnasıwshılarınıń qáwipsizligin támiyinlew, xalıq tıǵız jaylasqan aymaqlar hám bilimlendiriw mákemeleri janında transport qurallarınıń tezligin sheklew boyınsha ámelge asırılıp atırǵan jumıslar kórip shıǵıldı.

Ùyreniw dawamında rayon orayında Hòkis-Shımbay-Taxtakòpir D-234 avtomobil jolınıǹ 54 km baslap avtotransport qurallarınıǹ tezligi 60 km/saat shekem sheklew boyınsha usınısı kórip shıǵıldı

Sonday-aq, juwapker shólkemlerge mashqalalardı saplastırıw, zárúr jol belgileri hám tezlikti sheklewshi texnikalıq qurallardı ornatıw, profilaktikalıq ilajlardı kúsheytiw jáne jol háreketi qáwipsizligin támiyinlewge qaratılǵan ilajlardı izbe-iz dawam ettiriw boyınsha tiyisli usınıslar berildi.