Xalq deputatlari shahar Kengashi deputatlar faoliyatining eng muhim yo‘nalishlari bo‘yicha o‘zlari saylangan hududlarda o‘rganishlar o‘tkazish bo‘yicha savolnomaning 2 bandi (aholiga o‘zi vaqtida sifatli tibbiy yordam ko‘rsatilishi holati) ijrosini ta’minlash maqsadida hamda Xalq deputatlari Urganch shahar Kengashi deputati R.Baltayev tashabbusi bilan Respublika o‘rta tibbiyot va farmasevtika xodimlar malakasini oshirish va ularni ixtisoslashtirish markazi Urganch filialida “Siyosiy-huquqiy bilimlarni mustahkamlash – demokratik jamiyat poydevori” mavzusida ma’naviy-ma’rifiy tadbir tashkil etildi. 

Mazkur tadbirdan ko‘zlangan asosiy maqsad – tibbiyot sohasi xodimlarining siyosiy-huquqiy ongi va madaniyatini yuksaltirish, ularning mamlakatimizda amalga oshirilayotgan islohotlar mazmun-mohiyatini chuqur anglashlariga ko‘maklashishdan iborat bo‘ldi. 

Yakunda bunday tadbirlarni muntazam ravishda tashkil etish, aholining barcha qatlamlari o‘rtasida siyosiy huquqiy bilimlarni keng targ‘ib qilish demokratik jamiyatni mustahkamlashda muhim ahamiyat kasb etishi ta’kidlandi.