Xalq deputatlari shahar Kengashi deputatlar faoliyatining eng muhim yo‘nalishlari bo‘yicha o‘zlari saylangan hududlarda o‘rganishlar o‘tkazish bo‘yicha savolnomaning 6 bandi (mahalla xotin-qizlar faoli tomonidan amalga oshirilayotgan ishlar samaradorligi) ijrosini ta’minlash maqsadida shahar Kengashi deputati I.Musayeva “Bo‘ston” mahallasida bo‘lib, mahalla xotin-qizlar faolining ish samaradorligi hamda mahalladagi yashovchi ayollarning ijtimoiy ahvolini o‘rgandi. 

O‘rganish jarayonida deputat I.Musayeva mahalla faoli tomonidan shakllantirilgan ro‘yxatdagi xotin-qizlarga ko‘rsatilayotgan yordam turlari, ularning bandligini ta’minlash va tadbirkorlikka jalb qilish bo‘yicha amalga oshirilgan ishlarini hamda ishsizayollarning qiziqishlari o‘rganilib, ularni zamonaviy kasblarga yo‘naltirish borasidagi o‘quv kurslari va markazlar bilan hamkorlik holati ko‘zdan kechirildi. 

Muloqot davomida deputat I.Musayeva mahalla faoliga xotin-qizlar bilan ishlashda faqat raqamlar ortidan quvmasdan, har bir murojaat ortida inson taqdiri turganini inobatga olgan holda, "Mahallabay" ishlash tizimini yanada kuchaytirish bo‘yicha tavsiyalar berdi. 

O‘rganish yakunida mahalla hududidagi boshqa aniqlangan kamchiliklarni ham bartaraf etish va kelgusida amalga oshirilishi lozim bo‘lgan vazifalar yuzasidan tegishli chora-tadbirlar belgilab olindi.