Xalq deputatlari Toshloq tuman Kengashi raisi T. Soliyev tomonidan O‘zbekiston Respublikasi Prezidentining 2026-yil 5-fevraldagi “Ko‘p kvartirali uylarni boshqarish tizimini yanada takomillashtirish bo‘yicha qo‘shimcha chora-tadbirlar to‘g‘risida”gi PQ-48-sonli qarori ijrosi yuzasidan Do‘stlik mahalla fuqarolar yig‘inida o‘rganishlar olib borildi.

Monitoring davomida ko‘p qavatli uylarning ichki yo‘laklari (podyezdlari), yerto‘lalari, atrof hududlarining tozaligi hamda yoritilishi holati ko‘zdan kechirildi.

O‘rganishlar jarayonida Toshloq tumanidagi ko‘p kvartirali uy-joylarga xizmat ko‘rsatuvchi “REMKOMSTROY” MChJ boshqaruv tashkiloti rahbari ishtirokida mavjud kamchiliklar muhokama qilinib, ularni bartaraf etish bo‘yicha tegishli topshiriqlar berildi. 

Shuningdek, boshqaruv kompaniyasi faoliyati samaradorligini oshirish, aholiga ko‘rsatilayotgan xizmatlar sifatini yaxshilash yuzasidan aniq vazifalar belgilab olindi.