Deputatlar Rasta mahallasida aholi muammolarini o‘rgandilar 

Xalq deputatlari
Quva tuman Kengashi deputatlarining saylov okruglarida aholi bilan ochiq muloqotlar
o‘tkazish, mahallalardagi muammolarni joyiga chiqqan holda o‘rganish hamda ularning
ijobiy yechimini ta’minlash borasidagi ishlari tasdiqlangan reja-jadval asosida
davom etmoqda. 

Ana shunday
uchrashuvlardan biri Rasta mahalla fuqarolar yig‘inida tashkil etildi. Unda xalq
deputatlari viloyat Kengashi deputati M.Sayfiddinova, tuman Kengashi deputati G.O‘ktamova,
O‘zbekiston Ekologik partiyasi tuman Kengashi apparat rahbari K.Axmadjonovlar ishtirokida
“mahalla yettiligi” va faollari bilan o‘tkazildi. 

Muloqot davomida
deputatlar mahallada aholini qiynayotgan dolzarb masalalar - infratuzilmani yaxshilash,
ijtimoiy himoyaga muhtoj oilalarni qo‘llab-quvvatlash kabi masalalarni muhokama
qildilar. 

Shuningdek,
mahallada amalga oshirilayotgan obodonlashtirish ishlari, yoshlar va xotin-qizlar
bilan ishlash bo‘yicha olib borilayotgan sa’y-harakatlar yuzasidan fikrlar almashildi,
berilgan savollarga atroflicha javoblar berildi.