Tumanda ijtimoiy soha muassasalaridagi isitish tizimlari deputatlar nazoratida 

O‘zbekiston
Respublikasi Prezidentining 2023 yil 10 apreldagi “Ijtimoiy soha ob’ektlarining
isitish tizimlarini davlat-xususiy sherikchilik asosida modernizatsiya qilish to‘g‘risida”gi
PQ–118-son qarori ijrosi doirasida Quva tumanida amalga oshirilayotgan ishlarni
deputatlar tomonidan o‘rganilishi izchil davom etmoqda. 

Xususan tumandagi
40-son umumiy o‘rta ta’lim maktabi hamda 35-son maktabgacha ta’lim tashkilotida
xalq deputatlari Quva tuman Kengashi deputatlari A.Isaxonov hamda M.Akramovlar tomonidan
nazorat tartibida o‘rganish ishlari olib borildi. 

O‘rganishlar
davomida deputatlar muassasalardagi isitish qozonxonalari faoliyati, quvur tizimlarining
holati, xonalardagi harorat me’yorlari hamda issiqlik ta’minoti ta’minlanayotgani
atroflicha ko‘zdan kechirildi. Shuningdek, muassasa rahbarlari va mas’ullar bilan
suhbat o‘tkazilib, mavjud muammolar va ularni bartaraf etish choralari muhokama
qilindi. 

Qayd etilganidek,
o‘quvchi va tarbiyalanuvchilar uchun iliq va qulay sharoit yaratish, ta’lim jarayonini
uzluksiz tashkil etishda isitish tizimlarining samarali ishlashi muhim ahamiyatga
ega. Shu bois bu boradagi ishlar deputatlarning doimiy nazorati ostiga olingan.