Jalaquduq tumani Oyim qishlog`i Dalvarzin mahalla fuqarolar yig`inida mahalla aholisi tashabbusi bilan keng ko`lamli obodonlashtirish va tozalash ishlari boshlab yuborildi. Mazkur tadbir mahalla raisi Ostonov Maribjon boshchiligida, tuman Obodonlashtirish bo`limi xodimlari ishtirokida tashkil etildi. Hashar tariqasida o`tkazilgan ushbu xayrli ishlarga yoshlar, nuroniylar, faollar hamda tashkilot va korxona vakillari faol jalb etildi. Obodonlashtirish ishlari, avvalo, hududda joylashgan qadimiy Dalvarzin qabristoni va arxeologik tepalik atrofini tartibga keltirishga qaratildi. Mazkur maskanlar nafaqat mahalla aholisi uchun, balki butun hudud tarixi va madaniy merosi uchun ham alohida ahamiyatga ega. Shu bois, ularning obod va pokiza saqlanishi barchaning e`tibor markazida bo`lmoqda Tadbirda tuman Kengashi raisi Sh. Xaitaxunov va doimiy komissiya raisi A. Kurbonovlar ishtirok etib, amalga oshirilayotgan ishlar bilan tanishdilar hamda mahalla aholisining tashabbuskorligi va jipsligini alohida e`tirof etdilar. Ular bunday xayrli ishlar mahallalarni yanada obod qilish, tarixiy merosni asrab-avaylash va aholi o`rtasida hamjihatlikni mustahkamlashga xizmat qilishini ta`kidladilar. Mazkur obodonlashtirish
ishlari kelgusida ham izchil davom ettirilishi, hududni yanada ko`rkam va fayzli maskanga aylantirish rejalashtirilgan. Bu kabi ezgu tashabbuslar mahallada ijtimoiy faollikni oshirish, yosh avlod qalbida Vatanga muhabbat va tarixga hurmat tuyg`ularini mustahkamlashga xizmat qiladi.