Өзбекстан ХДП Шымбай районлық Кеңеси басламасы менен «Темир жол гүзары» МПЖ аймағында жайласқан «Экономика КӨК» басланғыш партия шөлкеминде «Катарымыздағы жаслар» жойбары шеңберинде «Депутат ҳәм жаслар» ушырасыўы шөлкемлестирилди.

Ушырасыўда Халық депутатлары Шымбай районлық Кеңесиндеги партия топары ағзалары О.Толыбеков ҳәм Х.Абдижалиев, Халық депутатлары Шымбай районлық Кеңеси секретариаты баслығы М.Зарикеев, басланғыш партия шөлкеми ағзалары ҳәм белсене жаслар қатнасты. 

Илажды партия топары басшысы О.Толыбеков кирис сөзи менен ашып берди ҳәм бүгинги күнде елимизде алып барылып атырған кең көлемли реформалар, соның ишинде, жасларға жаратылып атырған мүмкиншиликлер, олардың өз басламаларын жүзеге шығарыўлары ушын жаратылған шараятлар ҳаққында, соның менен бирге партияның бағдарламалық мақсет ҳәм ўазыйпаларын үгит-нәсият етиўде партия шөлкемлери ҳәм депутатлар тәрепинен алып барылып атырған жумыслар және партияның жаслар менен ислесиў бағдарында алып барылып атырған жумысларға тоқтап өтти.

Илажда бир қатар жаслар сөзге шығып жасларды қоллап-қуўатлаў, олардың мәплерин қорғаў бойынша өзлериниң пикир-усынысларын билдирип өтти ҳәм өзлериниң қызықтырған сораўларына жуўаплар алды.