Deputat topar májilisi 

Ózbekstan máhálleleri awqamı Bozataw rayonı bólimi tárepinen 2025-jıldıń 6 ayı dawamında Máhállelerde sociallıq-ekonomikalıq mashqalalardı sheshiw, húkimet qararlarınıń orınlanıwı hám bul baǵdarda alıp barılıp atırǵan jumısları haqqında. Xalıq deputatları Bozataw rayonlıq Keńesindegi Isbilermenler háreketi - Ózbekstan
Liberal demokratiyalıq partiyası deputatlıq toparınıń májilisi ótkerildi. 

Máhálle jetiliginiń jumıslarına toktap ótsek máhálle baslıkları ózlerine juklengen wazıypalardı atap aytkanda kóshelerdiń tazalıǵına, aymaktaǵı bar bolǵan kemshiliklerdi óz waqtında saplastırılıwın támiyinlep kelmekte. 

Sonıń menen birge, Prezidentimizdiń 2022-jıl 22-avgusttaǵı 357-sanlı qararına tiykar búgingi kúnde 452 máhálleniń bárine Máhálleniń birden-bir platforması – “Sanlı máhálle” sisteması engizilgenin ayrıqsha atap ótiw orınlı. “Ombor dápteri” bólimine rayonımızdaǵı jámi 515 jumıssız puqaralar platformaǵa tolıq kirgizilgen bolıp,
áyne payıtta platformaǵa xojalıq, shańaraq hám puqaralar tolıǵı menen kirigizildi. Húrmetli Prezidentimizdiń: “Máhálle xalıq penen mámleket arasındaǵı kópir bolıwı kerek.
Máhálleniń tiykarǵı wazıypası – adamlardıń quwanısh hám táshwishlerinen turaqlı xabardar bolıw”,– dep atap ótkenindey, ótken 6 ay dawamında “Máhálle jetiligi”
xalqımızdıń turmısında óz ornı menen abırayına iye bolıp, puqaralarımızda ózi hám shańaraǵınıń, sonday-aq, máhállesiniń keleshigine juwapkershilik sezimleri artpaqta.