Ózbekstan Respublikası Prezidenti tárepinen 2025-2030-jıllarda mámleket hákimiyatı wákillik uyımları iskerligin
jáne de jetilistiriwge qaratılǵan zárúrli hújjet - “Ózbekstan Respublikasında jergilikli
mámleketlik hákimiyat wákillikli uyımlarınıń jumısın 2030-jılǵa shekem
rawajlandırıw” koncepciyası tastıyıqlandı. Bul Koncepciya mámleketimizde demokratiyalıq
reformalardıń náwbettegi basqıshın belgilep berdi. 

Koncepciyanıń tiykarǵımaqseti - xalıq wákilleriniń rolin elede kúsheytiw, parlament hám jergilikli
Keńeslerdiń wákilliklerin keńeytiw, olar iskerliginde ashıqlıq hám áshkaralıqtı
támiyinlew bolıp tabıladı. Hújjette wákillik uyımlardıń nızam dóretiwshiligi
potencialın asırıw, parlament qadaǵalawın kúsheytiw, puqaralar menen baylanıstı
sistemalı tiykarda jolǵa qoyıw sıyaqlı ústin turatuǵın jónelisler belgilengen. Sonıń menen birge, Koncepciyada deputatlardıń huqıqıy hám institutsional potencialın bekkemlew, olardıń siyasiy, ekonomikalıq jáne social máselelerde ǵárezsiz hám úlgili qatnasın támiyinlew názerde tutılǵan. Nızamshılıq palatası hám Senattıń zamanagóy texnologiyalar tiykarında islewi, “sanlı parlament” sistemasın basqıshpa-basqısh engiziwde tiykarǵı wazıypalardan biri retinde belgilengen. Jergilikli Keńeslerdiń kepillikleri de keńeyttiriledi. Atap aytqanda, olardıń byudjetti qáliplestiriw hám atqarılıwın baqlawdaǵı roli kúsheyedi. Jergilikli dárejedegi sociallıq-ekonomikalıq mashqalalardı sheshiwde deputatlardıń baslamaları xoshametlenedi. Bul Koncepciya arqalı Ózbekstanda xalıq hákimiyat principin tereńlestiriw, ashıq hám nátiyjeli mámleket basqarıw sistemasın qurıw jolında taǵı bir zárúrli qádem taslandı. Bul bolsa, álbette, puqaralardıń mámleket basqarıwında qatnasıwın kúsheytedi hámde demokratiya principlerin jánede bekkemleydi.  

Xalıq deputatları Qaraózek rayonlıq Keńesi 14- Berdaq saylaw okrugi deputatı, rayonlıq mektepke shekemgi hám mektep
bilimlendiriw bólimine qaraslı 9-sanlı
mektep oqıtıwshısı Sayimova Sarsengul Alpısbaevna