Sessiyada Xalq deputatlari tuman Kengashi deputatlari, tuman hokimining o‘rinbosarlari, kun tartibiga kiritilgan masalalarga aloqador davlat va jamoat tashkilotlari rahbarlari hamda ommaviy axborot vositalari vakillari ishtirok etdilar.

Sessiya ishida 2025-yil 4-oyi davomida jinoyatchilik va huquqbuzarliklarning barvaqt oldini olish borasida Jondor tumanida amalga oshirilgan ishlar, O‘zbekiston Respublikasi Prezidentining “Yoqilg‘i-energiya resurslaridan noqonuniy foydalanish va behuda sarflanishiningoldini olish hamda energiya samaradorligini oshirish bo‘yicha chora-tadbirlarni takomillashtirish to‘g‘risida”gi PQ-133-sonli qarori ijrosini tumanda ta’minlash, O‘zbekiston Respublikasi Prezidentining 2025-yil 21-apreldagi “Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida”gi PF-71-sonli Farmoni ijrosini ta’minlash yuzasidan tumanda amalga oshirilishi lozim bo‘lgan ishlar va istiqboldagi vazifalar, O‘zbekiston XDP Jondor tumani Kengashining deputatlik guruhi tomonidan Davlat hokimiyati va boshqaruv organlari faoliyatini ochiqligi, ular tomonidan Qonun ijrosini ta’minlash bo‘yicha bajarilayotgan ishlar yuzasidan o‘rganish natijalari, Jondor tumani mahalliy budjetining 2025-yil 1-chorak ijrosi, Jondor tumanida 2025-yil 1-choragida jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar hamda boshqa masalalar ko‘rib chiqildi.

Kun tartibidagi barcha masalalar atroflicha muhokama qilinib, Xalq deputatlari Jondor tumani Kengashining tegishli qarorlari qabul qilindi.