2025-yil 15-may kuni Prezidentimiz rahbarligida maktab ta’limi tizimidagi islohotlarga bag‘ishlangan videoselektor yig‘ilishi bo‘lib o‘tgan edi. Unda ta’limning barcha bosqichlariga zamonaviy yondashuvlarni joriy etish, yoshlar tarbiyasi va ularning salohiyatini ro‘yobga chiqarish bo‘yicha
ustuvor vazifalar belgilab berildi. Xalq deputatlari Bekobod shahar Kengashi kotibiyati mudiri X.Ibragimova, shahar Kengashi deputati U.Abdunazarov, “Yangihayot” MFY faollari bilan birgalikda “Dolzarb 90 kun” loyihasi doirasida 18-sonli maktabda olib borilayotgan ishlar tahlil etildi. Ishlarni yanada ko‘tarinki ruhda o‘tkazish yuzasidan tegishli tavsiyalar berildi. “Dolzarb 90 kun” dasturi yozgi ta’tilni nafaqat dam olish, balki o‘quvchi-yoshlar uchun o‘sish, o‘rganish, rivojlanish va yangi imkoniyatlar sari yo‘l sifatida qaralayotganini ko‘rsatmoqda. Mazkur tashabbus kelajak avlodning sog‘lom, bilimli va faol bo‘lib ulg‘ayishi uchun muhim zamin yaratadi. Tashrif yakunida to‘garaklarga jalb etilgan o‘quvchilarga muzqaymoqlar ulashildi.